ഗൃഹാതുരത്വം
പറയാന്‍ മറന്നത്,
പകുതി മാത്രം കണ്ട
ഒരു സ്വപ്നത്തെക്കുറിച്ചാണ്
നന്ത്യാര്‍വട്ടപ്പൂക്കളുടെ മണം പേറുന്ന
നന്ത്യാര്‍വട്ടപ്പൂക്കളുടെ മണം പേറുന്ന
പേലവമായ ഒരു സ്വപ്നത്തെക്കുറിച്ച്
അതിനുമുമ്പ്,
കരിമ്പനക്കൂട്ടങ്ങളുടെ
കരിമ്പനക്കൂട്ടങ്ങളുടെ
നീലിച്ച സിരാപടലങ്ങളിലമരുന്ന
ഏതേതു മഴവെള്ളച്ചാലുകള്‍
എന്നെയെത്തിച്ചെന്നു നീ
അറിയണം
പാമ്പിഴയുന്ന പകുതി ദ്രവിച്ച
കരിയിലക്കഷ്ണങ്ങള്‍ക്കിടയില്‍
വീര്‍പ്പുമുട്ടുന്ന
വീര്‍പ്പുമുട്ടുന്ന
മണ്ണിന്‍റെ നെടുവീര്‍പ്പുപോലെ
മേല്‍വിലാസമില്ലാത്ത ഓര്‍മകളിലേക്ക്
ഒരു തിരിച്ചു പോക്ക് ഇനി വയ്യ
കാരണം
കാരണം
വെള്ളിവെളിച്ചം പൊഴിക്കുന്ന
ഇന്നിന്‍റെ അരങ്ങത്ത്
പഴമയുടെ പായല്‍പ്പച്ചകള്‍
നടുമുറ്റവും തുളസിത്തറയും
മറന്ന്
ഈ ഊഷരഭൂമിയുടെ ചൂടില്‍
വസിക്കുമ്പൊള്‍ മൗനങ്ങള്‍ക്കുള്ളിലും
വാക്കുകള്‍ പതിയിരിക്കുന്നു
പ്രവിനെപ്പോല്‍ കുറുകുന്ന
വാക്കുകള്‍.....................................
No comments:
Post a Comment